2017/02/02


ALDE ZAHARREAN EUSKARAZKO HAUR ESKOLAREN ESKAERAREN INGURUKO DATUAK
Prentsan ezagutu dugu Nafarroako Gobernuak Iruñean kudeatzen dituen eskoletako erabiltzaileen artean egin den ikerketa.
Lehenik eta behin, ikerketaren unibertsoaren inguruko ohar garrantzitsu bat egin beharra dago. Ikerketa hau ez da egin 0-3 ute bitarteko haurrak dituzten Alde Zaharreko guraso GUZTIEN artean, ezta Haur Eskola publiko batean haurrak matrikulaturik dituzten Alde Zaharreko guraso GUZTIEN artean ere.
Ikerketa soilik Nafarroako Gobernuaren Iruñeko Haur Eskoletan (5) haurrak matrikulaturik dituzten gurasoen artean egin da. Hau oso garrantzitsua da, hain zuzen ere, Alde Zaharreko guraso zenbaitzuk, haurrak euskarazko Haur Eskola batera eramateko esfortzua egin ahal izan dutenek, haurrak Alde Zaharretik kanpo dauden Udalaren eskumeneko beste Haur Eskoletan matrikulatuak dituztelako. Eta euskarazko Haur Eskola batera haurra eraman nahi duten hainbat gurasok ere, publikoak ez diren beste Haur Eskoletara eramaten dituztelako. Hau da, egun euskarazko eskola batean haurrak dituzten guraso horien iritzia ez da jaso.
Ondorioz, egun euskarazko Haur Eskola batean –publikoak zein pribatuak– haurrak dituzten gurasoen iritzia jasoz gero, zalantzarik gabe, emaitzak are positiboagoak izanen lirateke euskarazko eskaeraren ikuspuntutik.
Hala ere, eta ikerketa horren inguruan, gure irakurketa egin behar dugu, Alde Zaharrean euskarazko Haur Eskola bat zabaltzeko gure eskaera oinarri harturik.
Hain zuzen ere, hor agertzen diren bi datu hauek azpimarratu nahi ditugu:
-        Nafarroako Gobernuko erdarazko Haur Eskoletan  egun haurrak matrikulatuak dituzten gurasoen % 53k, Alde Zaharreko eskola euskaraz izatea nahi du.
-        Alde Zaharrean dagoen erdarazko Haur Eskolan bertan dauden gurasoen %40k, euskaraz izatea nahiko luke.
Datu hauek adierazgarriak izanik ere, esan bezala, emaitza hauetan ez dira islatzen euskarazko Haur Eskola batean egun haurrak matrikulatuak dituzten Alde Zaharreko gurasoen iritziak.
___________________________________________________________
DATOS SOBRE LA DEMANDA DE UNA ESCUELA INFANTIL EN EUSKARA EN EL CASCO VIEJO
Hemos conocido por la prensa la investigación realizada entre las personas usuarias de las Escuelas Infantiles que el Gobierno de Navarra tiene en Pamplona.
Como punto de partida, hay que hacer una anotación muy importante desde el punto de vista del universo de esta investigación.  Y es que este estudio  no se ha hecho entre TODAS las familias del Casco Viejo que tienen niños/as de 0-3 años, ni siquiera entre todas las que tienen a sus hijos/as matriculados en una Escuela Infantil pública.
Esta investigación sólo se ha hecho a las familias que tienen a sus hijos/as matriculados en alguna de las  Escuelas Infantiles que el Gobierno de Navarra tiene en Pamplona (5). Esto es muy importante porque, en concreto, las familias del Casco Viejo que han hecho el esfuerzo de llevar a sus hijos/as a Escuelas Infantiles en euskara, tienen a sus hijos/as matriculados en Escuelas Infantiles del Ayuntamiento que están fuera del Casco Viejo. Igual que las familia que también querían a sus hijos/as a una Escuela Infantil en euskara, que han optado por llevarles a otras Escuelas Infantiles no públicas. Esto es, aquí no se recoge la opinión de las familias que en la actualidad tienen a sus hijos/as matriculados en alguna Escuela Infantil en euskara.
Consecuencia de lo anterior, de tener en cuenta la opinión de las familias que ya tienen sus hijos/as en una Escuela Infantil –pública o privada– en euskara, evidentemente los datos sobre la demanda social en euskara, serían aún más positivos que los recogidos en este estudio.
De cualquier forma, habría que realizar nuestra lectura de esta investigación, partiendo de nuestra demanda de la necesidad de abrir una Escuela Infantil en euskara en el Casco Viejo.
En concreto, estos serían los dos datos más destacables:
-        Entre las familias del Casco Viejo que en la actualidad tienen a sus hijos/as matriculados en una escuela en castellano del Gobierno de Navarra, el 53% quisiera que la escuela del Casco Viejo habría sido en euskara.
-        De las familias que están en la Escuela Infantil en castellano situada en el Casco Viejo el 40% quisieran que esta fuese en euskara.
Siendo estos datos de por sí significativos, como se ha dicho, en estos resultados no se refleja la opinión de las familias del Casco Viejo que en la actualidad tienen a sus hijos/as matriculados en  Escuelas Infantil es en euskara.


2016/11/21



Iruñeko euskalgintza (Garikoitz Torregrosa):
Arratsalde on eta eskerrik asko egin dizuegun deialdira etortzeagatik. Gaur San Frantzisko eskolako atarira deitu zaiuztegu, esku artean dugun dinamikari hemen eta orain ekingo baitiogu. Elkarrekin lanean ari gara Alde Zaharreko bizilagunak, Iruñeko Euskalgintza, ELA, LAB, STEILAS eta Sasoia.
Iruñean urteak daramatzagu haur eskolak euskaraz nahi eta behar ditugula aldarrikatzen. Urtetako lanari esker eta jende andanaren bultzadari esker, ikasturte honetan Iruñeko Udalak 2 eskolatara zabaldu du euskarazko eskaintza, Donibanera eta Arrosadiara. Iruindarrei euren txikiak elebidunak izateko aukera eskaini eta hizkuntza bazterkeriari amaiera ematen hasteko urrats txalogarria eman zuen Udalak. Baina lehen urrats gisa ulertzen dugu, hizkuntza-eskubideen urraketak badirauelako eta Nafarrokoa den hizkuntza propioa jakitea ukatzea, herritarrei etorkizunean lan eta harreman aukerak ukatzea delako. Alegia, injustiziak badirau. Instituzioek ezin dute gizarte desberdintasun hori elikatu. Norbaitek ulertuko luke instituzioek herritar batzuei euren haurrek matematika jakiteko aukera ematea eta besteei hori ukatzea? Bada, hori gertatzen da euskara jakiteko aukera herritarrei ukatzen zaienean. Gizarte desberdintasunean sakontzen da. Lan handia dugu aurretik, beraz, auzo guztietan euskaraz ikasteko aukera lortzeko, eleanitza izateko aukera lortzeko eta ondorioz, etorkizunean aukera berdintasuna izatera iristeko.
Bide horretan urratsak ematen jarraitzea ezinbestekoa da. Eta gaur Alde Zaharrean gaude, Alde Zaharreko auzotarrek hemen haur eskola euskaraz nahi dutelako. Bide horretan euskararen herri mugimenduaren , sindikatuen eta bestelako eragileen laguntza izanen dute. Besterik gabe, Alde Zaharreko auzotarrek hemengo egoeraren berri emanen dizuete.
Alde Zaharra (Joseba Beramendi):
Auzoan aspaldiko aldarrikapena izan da haur eskola euskaldunarena. Dakizuen bezala, hemengo haur eskola Nafarroako Gobernuaren eskumenekoa da, Iruñean dauden beste 4 haur eskolekin batera. Eta azpimarratu nahiko genuke, Gobernuak dituen 5 haur eskola horietako bakar batean ere ez duela euskarazko eskaintzarik egiten. Benetan larria eta salagarria iruditzen zaigu honakoa, Gobernu aldaketa egon denetik ez baita alor honetan aldaketarik eman. Alegia, UPNk eskaintzen zuen berdinarekin jarraitzen du Nafarroako Gobernu berriak.
2011an hasi ginen mobilizazioekin eta "Alde Zaharrean haur eskola euskaraz" plataforma sortu genuen. Gogoan izanen dituzue eman genuen hainbat urrats: gurasoen eskaera bilketa, sinadura bilketa, silleta kalejira, agerraldiak parlamentuan, harremanak alderdiekin... Eta UPNren erantzuna itxikeria eta beste alde batera begiratzea izan zen. Alde Zaharrean haur eskola euskaraz nahi eta behar dugula bistakoa da. San Frantzisko eskolako D ereduko matrikulazio datuek ozen hitz egiten dute. Zeren zain dago Nafarroako Gobernua aldaketa emateko? Martxoan Parlamentuko Hezkuntza Batzordean gai hau landu genuen eta interpelazio zuzena egin genien alderdiei gure auzoan haur eskola euskaraz izan dadin. Arartekoarekin ere izan ginen ekainean eta beste zenbait urrats ere eman dugu, baina gaur gaurkoz ez dugu aldaketarik ikusten. Ez gaude prest injustizia honekin jarraitzeko eta mobilizazioei ekingo diogu gaurtik hasita.
Sasoia (Blanca Unzu):
Honakoa da egunotan aurrera eramango duguna:
- Sinadura bilketa
     Azaroak 21 eta 24an, 17:00etan San Frantzisko eskolan
     Azaroak 29, San Saturnino egunean 11:30etik 13:30era Mercaderesen
     Egoitza hauetan modu iraunkorrean ematen ahalko da sinadura: Campion euskaltegia (Comedias kalea), Iruñezar
euskaltegia (Errekoletak) eta Karrikiri euskal denda (Xabier karrika)
    
- Erakundeen atxikimendu bilketa:
     Eragileekin harremanetan ari gara atxikimenduak biltzeko. Internet bidez ere egin daiteke,  emanbidea.blogspot.com.es helbidean

- Merkatari eta ostalarien atxikimendu bilketa eta euskarrien banaketa:
     Azaroaren 17tik 24ra boluntarioek bisitak eginen dituzte atxikimendua eskatuz eta beraien lokaletan aldarrikapenaren irudia den euskarria banatuz.

- ABENDUAK 13, JENDEKATEA
     Abenduak 13, asteartea 17:00etan Ntra Sra de Los Ángeles haur eskolatik
(Descalzos kalea) Parlamentura jende katea eginen dugu kanpainan zehar jasotako sinadurak eta atxikimenduak Parlamentura eramateko.
Elektrotatxungak irekiko digu bidea.

Herritarrak ekimenean parte hartzera eta aldaketan eragile izatera animatzen ditugu. Animo, erronka ederra dugu eta esku artean!!

2016/11/14

AURTEN BAI, HAUR ESKOLA EUSKARAZ


Kaixo lagun!
Alde Zaharrean haur eskola euskaraz nahi dugu. Eskaera ez zaizu berria 
eginen, urteak ditugu eta hori bera eskatzen. Iaz Donibanera eta Arrosadiara 
hedatu zuen euskarazko eskaintza Iruñeko Udalak. Urrats txalogarria, urtetan
jasan dugun injustiziari konponbidea ematen hasteko neurria izan delako. 
Halere, bidea dugu oraindik egiteko, eta gure auzoan, Alde Zaharrean ere
haur eskola euskaraz nahi dugu! Nafarroako Gobernuaren eskumenekoa da 
gure auzokoa, Iruñeko beste 4 haur eskolekin batera. Eta Gobernuak 5 
horietatik BAKAR BATEAN ERE EZ du euskarazko eskaintzarik egiten.
Horrexegatik bultza egiteko garaia da, lagun. Zenbait ekimen prestatu 
ditugu Alde Zaharreko bizilagunok Iruñeko Euskalgintzarekin, ELA, LAB 
eta ESTEILAS sindikatuekin eta Sasoiarekin batera. Izan zaitez zu ere 
aldaketaren bultzatzaile!!

- Sinadura bilketa, sina ezazu!
     Azaroak 21 eta 24an, 17:00etan San Frantzisko eskolan
     Azaroak 29 11:30etik 13:30era Mercaderesen
     Egoitza hauetan: Campion euskaltegia (Comedias kalea), Iruñezar 
euskaltegia (Errekoletak) eta Karrikiri euskal denda (Xabier karrika)
    
- Erakundeen atxikimendu bilketa:
     Internet bidez: emanbidea.blogspot.com
- Merkatari eta ostalarien atxikimendu bilketa eta euskarrien banaketa:
     Azaroaren 17tik 24ra boluntarioek bisitak eginen dituzte

- ABENDUAK 13, JENDEKATEA
     Abenduak 13, asteartea 17:00etan Ntra Sra de Los Ángeles haur eskolatik 
(Descalzos kalea) Parlamentura jende katea eginen dugu sinadurak eramateko. 
Elektrotatxungak irekiko digu bidea.

Zurekin batera Alde Zaharrean haur eskola euskaraz lortuko dugu. 
Sinatu eta zatoz!!

Related Posts Plugin for WordPress, Blogger...